बानछा (Banchha – Kudmali Sahitya)
You are currently viewing बानछा (Banchha – Kudmali Sahitya)


7. बानछा (Banchha – Kudmali Sahitya)

कुड़मालि केहनि जुड़ति  (kudmali kehani judati)

Kudmali For JSSC CGL

JSSC CGL Kudmali Syllabus || 

kurmali syllabus and books for JSSC CGL|| 


‘बानछा ‘ डा. एच. एन. सिंग कर रचल हालुक केहनि हेकेइक । इटांइ एक गांउएक लकेक मनेक भितर एक बिसे | खास बा बानछा जे रहइक जे अकर रिन सधाइएक। इटा एक नितिक गिआनेक सिख कर केहनि हेकेइक । केहनिक भितर – फागु काका अकरा बेटा, साउना माहातअ, मंगल साउ आर कर पाठ आहेइक ।

केहनि कर सुरुआत गरमेक दिने गांउ घारेक एक | गरिब लकेक कथा बेथा ले हेउ हेइक आर सेंस ढेइर बछर | परे बिहाक मासे रिन सधा ले हेउएहेइक ।

केहनि माहान फागु नामक एक गांउएक गरिब लक रहइ । उ बेजांइ सिधा सपटल निठार गरु डुल रहल। आसे पासेक लके एके फागु काका कहथिक । एकर भरल पुरल | घार परिबार आहेइक । घारे बुढ़ा बाप-माइ, तिन टा बेटा आर दुइ टि बेटि । बड़अ बेटा टा इ बछर मेटरिक पास करल रहल आर छटअ बेटा टा आर बेटि गिला गांउएक इसकुले एखन पढ़े हेलथिक ।

एक दिन खाइ दाइके फागु काकांइ हुका टानइत टानइत मने भाभे लागल छउआ टा तअ कनह डुल मेटरिक पास करल । एके कनह डुल पेट काटि केउ हेल आगु दिगे पढ़ाइ हेतेइक । मेनतुक टाकाक फिकिरे अकर आंइखे घुम नाइ । तेंइ घुरि दिनेइ उ उठि पाठिके टाका धार आने मंगला साउ ठिन गेल आर कहल – साउ बाबु ! मेक दुइ कुड़ि टाका धार दे । छउआ टाके कलेजें भरति कराब । मइ एक मास परे घुराइ देब ।

तखन मंगला साउए कहलेइक – आरे भागु काका ! पइसा ना कुड़ि आर मइध बाजारे दउड़ा दउड़ि । आइझ काइल कर छउआके बेसि बढ़ाउले भाइ बापके पुछत नाइ । इटा मने बुझि देखे एकर उपर तर अतेक भरसा नाइ जे मके एक मास परे आका घुराइ देबे ।

तखन फागु काकांइ संचल, जा हउक मइ तअ दान लेइके हेलउ छउआ टाके आगु बाटे पढ़ा बइ ।

घुरि दिन फागु काकांइ घारेक किछु गहना गुरिआ लेइके बंधक देइ लाइ मंगला साउ ठिन फेइर घुरि गेल । तखन मंगला साउए अके एक मासेक ठाइने तिन मास समइ दिए लाइ राजि हेल, मेनतुक एकर तिन मास परे सुद संगे टाका निहिं सधाले गहना सउब डउल माने अकर हेइ जातेइक । तखन फागु काकाइ आर अके बंधक निहिं देलेइक । आर गांउएक आरअ दुइ चार लकेक ठिन गेल, मेनतुक सउभिक एकेइ कथा | कहलेइ आहेइक – छुछाके कने पुछा ?

काहे ना अंइ लुटि आना कुटि खाउआ लक रहल उपर ले जमिन बेचि बापेक भज करल फेइर एकटा गरु मरि जाइएक कारन अकर जउड़ लिएक दरकार आहेइक । घारे आरअ बाबुक माइ बजारअ आहि । पेइसाक टाने असद पानि निहिं कराइ पारइ । एखन फागु काकाक दुखेक उपर पांचर।

तखन घुरि दिन अंइ साउना माहतअ ठिन गेल आर अकर ठिन बात राखल ।

साउना माहतअ बा ना खालि टाका दिए लाइ राजि हेल बरंअ अंइ आरअ कनह बंधक निहिं राखल । आरअ अंइ कहल तर छउआ भर छउआ । तर जेतना टाका पइसा कर दकार आहउ लेइ जांइ । गहना गुरिआ जांत देइके इजरअ गाते कारि ना लागाउएं। हामरा चासा लक, हामराके घार बलि एसन जिनिस राखेक दरकार आहेइक कनह दिन काम लागतेइक। एहे डुल फागु काकांइ साउअना माहतअ ठिन पेइसा धार लेइके बेटाके कलेजे नाम लिखाल ।

एबार एक टा चिंता दुर हेलेइक तअ दसर एक टा आरअ काम लागलेइक । काहेकि अकर एक टि बाढ़ल बेटि रहल । उदम सिआन, देखइते बेजांइ सुंदर । तेंइ बर खजा खजि चले हेलेइक । हेनअ संजउग ले कुसुम टिकराक मगरुक छउआ टाक संग बिहाक बात चललेइक । मेनतुक बेरिआइतके खाउआइएक खातिर खाजाड़ि, चिउड़ा, चार, खासिक जगाड़ करेक दरकार आहेइक । उपर ले आरअ लुगा फाटा । सुकुर बारे लगअनेक दिन धरालेइक । लगन बांधइआ सउभे बानार आनल जे एक टि गाइ, एक हार गर आर सांगि टाइ बासन देउए हेतेइक । तखन केउ कहला हामरा तबे बिहा निहिं करब तअ केउ कहला आकालेक बर चांड़ेइ बिदाइ कर ।

केउ कहला दिए हेतउ ना हेले बेटिक बापेक गति नाइ । एहे सउब सुनि फागु काकांइ सरग पाताल भाभे लागल। एबार अंइ किना करताइ आगु जे धार आनल रहल सेइ टाका टा एखनअ घुराइ निहिं पारल तअ फेइर कन मुंहे घुरि मांगे जात । लारि पारिके गेल आर धार टाका आर एक | टा खांसि मांगल। एकर बदल डुमइर बेड़ा कर खेत बंधक ! दिएक बात करल । मेनतुक साउअना माहतंइ कनह बंधक निहिं लेल आर अंइ कहल तर जेटाक दरकार लेलेइ जांइ । कनह रकम बिहा पार करें।

एहे डुल फागु काकांइ दुख तकलिफे सात आठ बछर काटल। हुदे मनसा बा डाकरि पास करल आर घार आउअल । अंइ एखन रामपुर हांसपाताले डाकर बनल । गांउए एबार फागु काकाक मान भरम बाढ़लेइक । रिन दान सउभे सधाल | फागु काकांइ । घार दुआइरअ पाका बनाल । गांउएक लके | डकटर पाइके बेजां रिझे हेला । डकटर बाबुअ रउज घार लेइ आना गना करे लागल | मनसा कर सभाब बापेक निअरेइ । काकरअ संग बड़अ मुंहे कथा नाइ कहत ।

एहे बेरांइ एक दिन आधा रातिंइ मंगला साउएक | अछाल बाहेइर हेइ लागलेइक । सेइ गांउए आर कनह केइद कबराइज निहिं रहला । आर मंगला साउ फागु काकाक बेटाक ठिन कन लाइजे जात? मेनतुक लारि पारिके अकर धांगर मंगरुआके डाकटर ठिन डाके पाठाउलेइक । अंइ बेचारांइ | नेहर बिनति डाकटर ठिन करे लागल। मेनतुक डा. बाबु | मंगला साउ ठिन जाइ लाइ राजि निहिं हेल । अहे खने फागु काकांइ अके सिख देलेइक – बेटा काकउ एसन नि कहथिक । काकरअ जिउ बांचाउअल टा ले बड़अ धरम नेखेइक । गांउएक सउब लक हामर हेकत । हामराके हिंआंइ | जिनगानि पुहाइ हेतेइक । तखन बापेक कथा मानिके मंगला साउ कर इलाज करल । मंगला साउहुं अके दाउआइ कर दाम देहेलेइक मेनतुक अंइ निहिं लेल ।

हुंदे बिधिक बिपाक । साउअना माहतक इसथिति बेजांइ खाराप हेइ गेल। जाकर घारे कामिन मुनिस धांगर खाटे हेल, एखन अकर सांझ बिहान पेट भरि माड़ निहिं जुटेहेइक । उपर ले तिन टि मानुमास बेटि आहथिक । राइत दिन बिहाक फिकिर लागलेइ आहेइक । मेनतुक आपन मान राखेक जालांइ काकरअ ठिन मांग नि जाइ पारइ । उपर ले रगि बनि गेल । चिकितसा कराइ करअ खेमता नाइ । बिहाक सार भार आर चुमान सउब तअ किनेइ हेतेइक । अतेक टाका काहां पाउआतेइक । एहे बारअ सतरअ भाभना एखन साउअना माहतअ कर । जमि जदि बसाइक तअ बदनामि कर डर ! एहे सरअमे डाकटर बाबु के निहिं डाकल। जखन बेजांइ रगाइ गेल तखन लारि पारि कुन अकर छटअ बेटि टिके डाके लाइ पाठाउलेइक ।

डाकटर बाबुक चिकितसांइ साउअना माहतअ बेस हेल । एबार फेइर बेटिक बिहाक फिकिर । बिहाक चार, चिउड़ा, खांसि, थारि बासन, लुगा फाटा, नेग जग कर सार- भार किने लाइ तअ टाकाक दरकार आहेइक । तखन साउअना माहतंइ घार डाकिके चुपेइ आपन बेटिक बिहाक खातिर टाका कुड़ि मांगल। एकर बदल डुमइर बेड़ा कर खेत टा बंधक दिएक बात करल । डाकटर बाबुंइ अकर मुंहे एसन कथा सुनि हाइ टाटका हेइ गेल । मने मने डाकटर बाबुइ भाभे लागल आइज गांउएक सउब ले बड़अ लक कर बेटिक बिहा पार करेक टाका नाइ । जेंइ मर बापके मके पढ़ाइएक खातिर धार देल, एकर भितरअ कनह दिन तागादा निहिं करे आल। एकरेइ टाकाक उसासे मइ आइज डाकटर बनल आहिए ।

एंड जे मर बापके मदत करल रहल, सेइटाक बदला घुराउएक एहे मका । हुंआ तअ डाकटर बाबुंइ कनह निहिं कलेइक, मेनतुक घारे आइके आपन बापके कहलेइक – बाप साउना माहतक घारेक हालत बेजां खाराप । लाइजे मके फुटिके कहे नि पारल, साउना माहत अके बड़अ बेटिक बिहा करे आहेइक । घारे धान धुरा नेखेइक । इ समइए हामराके अकर मदत करा उचिंत हेकेइक । मर मने आहि जदि अं देताक़ हले अकर बड़अ बेटि टिके मइ बिहा करे लाइ । तेइआर आहिए। ताउ अकर रिन दादन ना हेउअक । अं हामराके बेजांइ मदत करल आहाइ । इटाके चुकति करे तेइक | बेटाक मुंहे एसन कथा सुनि अकर बाप हुबे हेल आर बेटाके जाइके आंकुआड़ि करि कहलेइक जे मर मनेक साध पुरलेइक । मर एकटा बानछा रहलेइक जे कबे साउना | माहतक एहे रिन सधाब ।

एहे डुल फागु काकाक लेल रिनके अकर बेटा डाकटर बनि आर अकर बेटिक संग बिहा करिके साउना माहतके सधाल ।

। समिचछाः

एहे डुल कुड़मालि केहनि जुड़ति कर सउब केहनि कर बिसइ मटा मटि एकेइ धरअनेक आहेइक उटा हेलेइक सामाजिक ।

सिकार केहनि माहान एक बाघ कर दारांइ गाइ खाइ जाइएक कारन कुड़मालि चारि माहान बांदना परबे गाइ चुमान आर पुजा पासांइ दुधा ढारा केसे के हेतेइक ? एकर परिनामे बाघ कर सिकार हेउए हेइक । सबरनाखा नदिक जनम माहान एकर जनम आर एकर बहन काहां – काहांआर कन डुल एके टेके खजअहत कर बाखान हेउए हेइक । सिआरेक चउछालि एक नितिक कथा हेकेइक । घार आंगनाइ भाइए भाइए ठांइ ठांइ डाकपुरसेक कथाके पुसटि करेहेइक भाइ भाइ केहनि माहान तअ जेनि जागाउहान केहनि कर दारांइ एक नारि के पढ़ा सुना हेउआ केतना दरकार हेइक आर काकुहुं के मिछा कथा कहिके अकर जिबन संग खेलुआड़ निहिं करेक सिख देइक ।

छटपटि केहनि माहान एक माताल घारेक इसथिति परिसथिति कर बाखान हेल आहेइक तअ बानछा केहनि माहान गांउ घारेक गरिब लकेक किना दसा हेइक अकर बाखान हेल आहेइक ।



KUDMALI 6


Leave a Reply