5. जेनि जागाउहान (Jeni Jagauhan – Kudmali Sahitya)
कुड़मालि केहनि जुड़ति (kudmali kehani judati)
Kudmali For JSSC CGL
JSSC CGL Kudmali Syllabus ||
kurmali syllabus and books for JSSC CGL||
‘जेनि जागाउहान’ केहनि टा चंदरअ महन माहतअ | कर रचल हेकेइक । इटांइ एक अनपढ़ मुरखु जेनि कर । बिरतांत आहेइक । इटा एक सामाजिक केहनि हेकेइक । इटाइ सिकखा कर महत कर बाताइल आहेइक । संगे संगे सतअ -मिछा बा कनह चिजेक अबहेलना कर किना दुसपरिनाम हेइक एकर बाखान आहेइक। दाइए पड़िके केउ झने केसन करिके मिछा कथा कहे लाइ बाइधअ हेत, इठिन अकरअ भाउ फेरिछ हेल आहेइक ।
केहनि माहान ‘रस अबति’ नामेक मुल जेनिक पाठ | आहेइक आर पुरुसेक नेते उधर, छाड़ाउ आरअ आहात | मेनतुक अखराक कनह अतेक महतेक पाठ निहिं आहेइक ।
इटांइ ‘रसअबति’ नामेक एक सुंदर, सुधड़ गढ़अनेक बहु रहइक, अकर सभाब संसकार, जन डुल गाथ हांथेक फुरति जेसने कामेक बेजांइ लुइर, सउब के नाता छाड़ा | नाम धरि डाकइक नाइ । रस अबति सुंदरे तअ कनह कम | नाई, इतअ ‘ जनहा’ गांउएक बिजलि हेकि बिजलि । । अकर मने कनह रकमेक छल कपट निहिं रहलेइक । एके कने जे दुसे पारइक । ससुरघारेक घारकनना टा एकाइ सांभराइ राखल आहि । रांधा – बांटा, लेउआ – देउआइ कनह कम नाइ, काम- काइज टाहुं अकर गड़ हांथ आलेदाइ | उठइक । मेनतुक पढ़ा सुनाइ साढ़े बाइस । करमेक ‘क’ आर खाइएक ‘ख’ पढ़ेक आर भरसा नाइ । अकर माइ बापे मिछा कथा कहिके बिहा देल जे रसअबति एखन आठ केलासे पढ़इ साहि । एहे टाइ एकर सउब ले बड़अ दुखेक कथा ।
एकर ले बेसि जे बिहाक परे निजेक पुरुसेक लिखल पेहिल चिठि पिठेक भाइ माने आपन देउअरके पढ़ाई करा टा ! हेकेइक । इटा कम बड़अ दुखेक कथा । अंइ मने – मने बाप – भाइके खिसाइ लागलि । रसअबति कर मने कचटे लागल, काहे ना बाप दादा निखाउ कनह दिन पढ़ा सुनाक अतेक चज निहिं करल । आर रसअबति करअ अतेक | पढ़इते कनह दिन मन निहिं लागल | अखराक मनेक धारना | रहलेइक जे बेटि हेकेइक परेक घार जाति, आखिर घारेक चुलहा चउकिए करेक तअ काम । उ जे अकर तिनअ बेहिन सभउ निहिं पढ़ल रहला ताउ हेले मासटर बर पाउअल । मेनतुक एकर मुरखु हेउएक दुख आर पढ़ाई कर महत तखन बुझल जखन चाइरअ दिगेक वरे खालि पढल लिखल । केनिआइ खजे हेला आर पढ़ा सुना निहिं हेउएक कारन रस अबति के केउ बिहा निहिं करे खजे हेलथिक । बर खजइते काहां काहां निहिं कुदा फांदा करला । एसन तअ
रसबति कर नकरि दार बर पाउअल, मेनतुक सलअआना मिछा कथा कहिके उधअ संग करल आहात ।
इटा किना कनह कम सरमेक कथा जे आपन पुरुस कर चिठि भाइके पढ़ा कराड़एक टा । हांथेक आड़े किना चांद लुकाइक । एक दिन ना एक दिन अकर सउब किछु अफला लेइक । तखन घारेक सउब छउआ पुता कर बेजांइ राग हेलेइक | ननद देउअर सउभे तअ रउज दिन ठठराइ मारे लागला ।
जखन एकर सतअ कथा उधअके पाता चललेइक तखन अकरअ मने बेंजाइ दुख आर खिस हेउ लागलेइक । मेनतुक रस अबति कर सेबा – सुसार पासे जेतेक चांड़े राग उठइक, तेतेक चांड़ेइ जुड़ाइअ जाइ तेलेइक । तेंइ एकर एहे गलति टा अकर सभाबेक पासे एक धाइर हेइ जाइ तेलेइक । उधअ कर दुख एतनाइ जे अंइ काहे मिछा कथा कहिके आंखे धुरा देला । रागेक गुरु केउ नाइ । कखनअ कखनअ एहे रागेक तापे ठेंगाउ उठाइ, मेनतुक रस अबति कर सुउआ सुसार आर कथा कर सउआद माहान तुरतेइ सउब दुखक आर राग भुलि चुंबा खाइ तेल । जखन अके खिसिआइक तखन अंइ कहइ – हांड़िंड बजड़ लागबेइ करइक । रसअबति जदि पढ़ल लिखल रहइतेलि तअ अंइ छातिंइ लागाइके एकर जबाब देइ तेलि । मेनतुक मन टाके बुझाइ करबे किना, कपाड़े एसनेइ लिखल आहेइक तअ । मेनतुक रस अबतिंइ करति बा किना जिउ ना जाइ छटपटिक साध ।
उधअ कर बिहा माहान ढेइर जिनिस पाति चुमाने देल रहल । घड़ि, साइकिल, एंगठि, रेडिअ । देउआ लेउआ माहान कनह कम नाइ आर ना कनह कसुर । अकर कसुर एतनेइ जे मर बेटिंइ आठ केलासे पढ़इसाहि ।
उधअ कर घारे रस अबति कर खंखि करेक अपसर नाइ । घारेक एकधाइरलेइ सउब काम अहिं करइ तेलि । अतेक लकेक सेबा सुसार, माइ-बाप, छटअ माइ, मर चाइर टा भाइ आर मरअ छउआ पुता सउब कर सेबा सुसार आर काम अतेक ना करेक तअ कनह मुंह नाइ । एकर कारन उ बेचारिंइ राइत दिन संचइ कसटअ करलेइ मिसटि पाउआइक ।
जखन रसअबतिंइ बुझलि मइ ना पढ़िके केतेक बड़अ भुल करल आहिए। तखन उधंइ तइ करल जखन मइ घार आउअब तखन एक दुइ घंटा पढ़ाई लिखाइ सिखाबेड। तखन अंइ घुरि पढ़े लागलि आर पांच केलासेक परिकखा | माहान सेकेन डिबिजने पास करलि । तखन सउब रिझे हेइ | लागला । एकर पढ़ाई एबार आगुआलेइक । जखनेइ फुरसइत पाउअइ कनह किताब हले बढ़इतेइ रहइ । एबार रस अबति रस अबति निहिं रहलि, एबार अंइ मासटरनि कर पदबि पाउलि ।
चेइत मास टांइ जखन सरकारि मासटरनि माहान | बहाल लेइक तखन रसअबति बेटि छउआके घेइआन ! देइके पढ़ाइ सुरु करलेइक । आइज सेइ गांउ टांइ ठेपा छाप देउअइआ कनह जेनि नेखत ।
एहे डुल हे केहनि कर गड़ा धेइ पढ़ा सुना कर कनह । उमइर निहिं रहइक, जखन हिंचछा पढ़े पारइक आर निजेक | जिबन माहान गिआन कर आलअ जराइ पारइक जेसन | रस अबति करल ।
