3. सिआरेक चउछालि
(Siarek chauchali – Kudmali Sahitya)
कुड़मालि केहनि जुड़ति (kudmali kehani judati)
Kudmali For JSSC CGL
JSSC CGL Kudmali Syllabus ||
kurmali syllabus and books for JSSC CGL||
‘सिआरेक चउछालि’ एसन तअ एक पुरखउति कथा केइक । मेनतुक एहे पथि माहान एके खिरउधर माहतअ ‘हसतुआर’ एं जहड़ाइल आहेइक । बा इटा खिरउधर माहतअ । कर रचल केहनि हेकेइक ।
पाठ :
- सिआर – बनेक एक जानुआर
- हरिन – बनेक एक जानुआर
- बुढ़ा सिंग – बनेक राजा
नाता :
- सिआर आर सिंग – मामा भेइगना कर
सारांस :- केहनिकारेक अनुजांइ ढेइर आगु एक बने एक थुर थुपु बुढ़ा सिंग रहल । उ सेइ बन कर राजा हेकल मेनतुक बुढ़ांति आर मरेक पेहिल अकर जिउए हेरिनेक गेधि खाइएक साध रहलेइक । तेंइ बतर भांजि पाउअल एक सिआर । सिंगे अके भेंइगना नातांइ डाकिके अंइ निजेक मनेक खांखुस टा बाताउलेइक । तखन सिआरे कहलेइ इटा तअ ठिकेइ कथा, ठिक आहेइक कनह डुल तअ आनब मेनतुक तहरा केइ मराउए हेतअहन ।
से बने खजइत खजइत सिआर गेल आर फाराक लेइ हांक देल – एरे हेइरना ! तके गउटे बन हांका चाका आर तंइ इठिन हेरिहर हेरिअर घास खाहास । एसन सुनिके हेरनाउ हकचकाइ गेल आर कहल – किना हेलउ रे साला ? हेइरनाइ कहलेइ तकर आइज कपाल फरकल आहउ रे भाइ, जानिस बनेक राजा एबार कन हेतेइक तहिं बनबे । तेंइतके बुढ़ा सिंग राजांइतके डाके पाठाल मके, तके राइज चेलाइएक भांउअर सिखाउतउ । एसन सुनिके हेइरनाइ कहलेइ पारांइ साला । बने अते अते बड़अ जिउ रहइतके मके राजा करतेइक ! सिआरे कहलेइ – बन माइएक लिला बुझा भार, देथिक तखन छाइन चिकि। जानिस हांथि तअ आहेइक बड़अ, मेनतुक अकर आंख किनि किनि, बाघेक तअ आनखांइ कुंधरनि आर हुड़रअनि, टुएक दउसे सिधा घाड़ मचड़े खजइक । तेंइ तकेइ बाछल आहउ । एसन सुनि हेरिन करअ मने टुएक बिसास हेलेइक । आर जाइएक राजि हेल । आर दुइअ झन गेला बुढ़ा सिंग ठिन, रासतांइ कहि देल जे तंड सिंगेक मुँहेक पासे कान हिबड़ाइ राइज चेलाइएक भांउअर बेस ले सुनबे । अकर कहल अनुजांइ ठिकेइ सिंगेक मुंह गड़ाइ कान टा सटाइ देल ना सिंगे केंटके अकर हेरिन कर कानटांइ चेबालेइक । बेचारा जिउएक डरे हेरिन छटपटाइ इंड़क अलेइ पाराल । आर सिंगअ मुहेक आहार टा गुचाइ पसताइ लागल। आर फेइर घुरि कनह डुल हेरिनके आने लाइ सिआर भेइगनाके कहल । तखन सिआरे सिंगके हुसिआर हेउएक इसारा करलेइक इअ धाउ आर ना फुचकाइआ । एबार गेंदे जेंदे रकत टिपकल आहेइक, डहर
चाल – चाल चांड़े चाल, अके फेर घुराइ आने पाठाल आहेइक । मेनतुक हेरिन कर डर सामाइ गेल । मनेक मने रिचिक हेरिनुहुं संउचे लागल – भाला राजा बनेक साध काकर नाइ? नाना रकमेक चउछालि करि कनह डुल मानाइके सिआरे बा आनलेइक सिंग ठिन । कहलेइ आहेइक
जनतुक नेते सिआर,
चउछालि पारा भार ।
सिआरेक बातेक अनुजांइ हेरिने एहे बार एकदम | सिधा सापटा डुल अकर मुंह गड़ाइ कान टा सटाइ राखलेइक । ! ना सिंगे एबार टंटि चेबालेइक आर हेरिनाक मुंह ले खुइल उगले लागलेइक । तखन हेरिने सिआरके गाइरदेइके कहले – एहे करले रे साला सिआर ! तखन सिआरे कहले आगुक टुम टा आध पुराइ रहलेइक
बन माइए देइक तखन छाइन चिरिके
आर लेइक तखन रकत उलगाइके ।
हेरिन मरि जाइएक परे सिंगे सिआरके खपरअहि टा फाड़िके गेधि बाहराइ लाइ कहलेइक । सिआरअ चालाक | कम नाइ रिचिक फाराक दिगे लेगिके मुड़ ले रिचिक | गेधि बाहराल आर टुएक गेधि चाखि देखल । काहेकि एकर आगु कनह दिन हेरिनेक गेधि नि खाल रहल सिआरे । आनखाइ सउआद पाउआल ! एहे सउआदे सउआदे सउब | गेधि चट करि देल । हिंदे देरि हेइत देखिके सिंगे हांकालेक कइ भेइगना आर कते देरि, चांड़े आना ।
तखन सिआरे कहलेइ – किना कहबअहन मामा, एतेक बड़अ मुड़ि टांइ रिचिकउ गेधि नाइ । तखन सिंगे | कहलेइक एक टुएकउ नाइ । तखन सिआरे कहलेइ – हें मामा. टपकउ गेधि रहले किना कान काटा हेरिन आरअ घुरि आउअइ तेलेइक ?
सिआरेक एहे सउब बातरा ले सिंग कर संका हेलेइक आर कहलेइक – बुझलं, बुझलं भेइगना, बेबाक बुझल! आहनाइ आहेइक –
लभे पाप, पापे मरन ।
राइजेक लभे हइरनाक मरन आर सुने भेइगना – कने मारल हांस आर कने नुड़ल ….. ! एहे टुम टा सिराइतकेइ बुढ़ा सिंग कर हेंचि उठलेइक आर निकास सिरालेइक ।
एहे डुल एके केहनि टा ले इटा सिख पाउआहेइक जे | जेटाक कह दिन चास नाइ सेइ टाक आस करले अकर | मति हेराइ जाइक । जेसन राजाक लभे हेरिन कर मरन हेलेइक आर बुढ़ांतिक काले गधिक लभे सिंग कर मरन ।
