परपन सर्टिफिकेट

अमर कुमार जन्म – 1948 , गोलवारी ,चंडीपुर ,बोकारो कृतियां – परपन सटिफिकेट (लेख ) परपन सार्टिफिकेट (लेख)  हामें मोटें चउद-ऽ बछरेक फुंधी डेरका छउआ रह-हलों, जखन ऊ बड़का बिदियालइ (कॉलेज) में हामर नाम लिखइलका गाँउ – देहाइतें मानुस भेल के चलते एकर आगु हामें सहर आर अइसन बोड़ बिदियालइ के मुँह देखलनाँइ हलों । हामर दूगो दादा सब के हामर ले बछर-आठ दसेक आगु भरती भइ गेल हलइन ओहे कोलेजवें । आर तखने हामानिक बापो आपन आँइखें देइख आइल हला ऊ कोलेजवा के । सइले हाम्हुँ ऊ कोलेजवाक रहे- पिंधेक आर पढ़े- पढ़वेक तारीबत के खुभे परउसाइँ कर- हलिअइ । सइए कोलेजवें नाम लिखइक नाम सुइन के तो हामें फुइल के ढाँक भइ गेल हलों ।  जे-सब हामनिक डीह-कुल्हीं बड़का बुजरूक बुझल जा – हला, सेवो सभेक मुँहें ऊ कोलेजवाक दइके हामें ढेइर बोड़ 2 बात सुइन चुकल हलों। बड़का- 2 डिगरी वाला बोड़ लोकेक मुँहले, जेखिन हामरे जनम भुँइ […]